cerita aku enggau iya

Aku kawin kena maya 11/8/2010.. sepengudah 3 tahun kami duai Alban Rimba bepangan... Kami duai start bepangan maya 21/8/2007... keterubah kami duai bekelala maya mati ini sepiak apa aku iya nya bulan 6 2007. maya nya aku benung pom 5. Sepangudah bekelala kami duai selalu nurun ke pasar begulai... dating meh nya tadi.... alban maya nya baru udah nembu ka pelajar iya ba degree ari Universiti sains Malaysia. Agi bedau bisi batang pengawa meh tudah tuai. Ba rumah panjai tudah tuai bekuli enggau orang ngindik padi ngangkut padi... lebuh maya lepa iya enggau bala bakih iya nurun nginti.. nya meh siti pengerindu iya nyentuk ka diatu...  Aku pan enyau suah agi pulai ngagai Skim skrang enggau petunggal aku Jasmine Buli... Petunggal aku tu meh nyadi ubat nyamuk ti lebuh maya aku dating... hehehe... maya aku abis pom 5 Alban alu ka nanya aku ke bini tang sida mak enggau apa aku bedau ngasuh agi laban ti ka ngasuh aku nyambung belajar. maya tahun 2008 pemutus peresa aku mujur ngujung ka aku bulih masuk pom 6 aliran sains ba St. Augustine dia. Alban mega bulih kereja enggau kompeni Samling Plantation. Iya  mula gawa dia 1/7/2008.  6 bulan sebadau ea gawa ba dia iya bisi gawa enggau kompeni siti tang aku enda ingat ka nama kompeni nya. tudah alban meh ti meli ka aku semua bup kena aku belajar.... maya ujung taun 200 sekali agi Alban nguji ka nanya tang mak enggau apa aku bedau ka laban pom 6 aku bedau apus agi....  Maya ujung taun 2009 meda aku udah abis peresa dia deh alban nguji baru nanya aku kali ke 3. tang sautapa enggau mak aku anang guai dulu laban deka meda pemutus peresa aku..... maya bulan 3 2010 dia meh pemutus peresa kami pansut.. pemutus ulih aku bangat ngejai nya laban aku semina minat Biology... Biology enggau Pengajian Am nya meh ti pass... Math enggau Chemistry aku sigi fail.  Maya bulan 8 nya alban bisi pulai cuti tang sebedau iya pulai cuti iya bisi madah ngagai aku deka nanya aku kali ke 4 maya ea pemisi nya. aku pan alu madah ka jaku Alban nya ngagai mak aku... Aku enda madah ngagai apa aku laban ti takut. udah bekau aku ti mdaah ngagai mak aku nya... dia deh mak aku alu madah ngagai apa aku kati ke runding ea ngasuh ke enda... apa enggau mak aku pan setuju ngasuh kami duai jadi..... aku meri terima kasih pemadu besai ngagai apa enggau mak aku laban ti ngasuh aku nguai taja aku anak tuai... mai duai ka alah laban laki aku pan anak tuai tambah mega laki aku siko aja ti anak lelaki entua ku.... kami duai pan di padu nyadi melaki bini kena ka 11/8/2011, maya nya mur anak iyak ku ti biak ngam- ngam manggai setaun. anang irau seduai apa mak laban aku enda ngelengka ka seduai taja aku nguai.... laki aku pan manah enggau kami sebilik baka ea ti begulai enggau apai indai diri empu. kami sebilik pan nerima laki aku enggau manah nadai beciping..  kami duai laki aku sain ba JPN kena ka 28/8/2011.. setaun surat kawin kami duai enda di gaga laban ea ti nadai cuti aku pan pia mega nadai cuti.  pun taun 2011 aku nurun ka sabah nurun training JM ninggal ka laki aku. asai ati enggai meh ninggal ka pangan tang laban ti ngerunding dudi ari ila.  nya meh ngujung ka kami duai ka besanding alu delay... aku abis training taun depan iya nya 30/6/2013.